Սամա'այի ծեսը

Մի լեգենդի համաձայն մի օր Ռումին շուկայում մուրճի ռիթմիկ հարվածների տակ զիքր է լսում (լա իլլահ իլլա Ալլահ), էքստազի մեջ է ընկնում, ձեռքերը պարզում է ու սկսում է պտտվել: Արդյունքում առաջանում է սամա'-ի ծիսակարգը: 


2005թ. ՅՈՒՆԵՍԿՕ-ն Մեվլեվիական սամա' ծիսակարգը ճանաչել է մարդկության բանավոր և ոչ նյութական մշակութային գլուխգործոց: 

Սուֆիների հագուստի ամեն մասն ունի իր նշանակությունը.
կոնաձև գլխարկը շիրմաքար է խորհրդանշում, թիկնոցը՝ դագաղ, շրջազգեստը՝ պատանք:
Շեյխը արևն է, իսկ մյուսները պտտվում են նրա շուրջը, միաժամանակ պտտվելով նաև սեփական սրտի շուրջը:
Սև թիկնոցի հանելը խորհրդանշում է հոգևոր վերածնունդ: 

Պտույտները սկսելուց առաջ սեմազենը ձեռքերը խաչած է պահում, ինչը նշանակում է հնազանդություն Աստծուն, հետո ձեռքերը բացվում են: Աջ ձեռքը ափով վերև է պահվում, ինչը նշանակում է, որ նա պատրաստ է Աստծո օրհնությունը ստանալ, իսկ ձախ ձեռքը ափով գետնին է ուղղված:

Սամա'-ի ժամանակ 4 երաժշտական շարժում (սալամ) է փոխվում, ամեն մեկը իր նշանակությունն ունի: