Եգիպտոսում ՀՀ դեսպան. Առանց Թուրքիայի անկեղծ ապաշխարության, մեր տարածաշրջանում անվտանգությունը միշտ վտանգված է
«Ալ-Ահրամ» պարբերականը տպագրել է Եգիպտոսում ՀՀ դեսպան Արմեն Մելքոնյանի` «Հայաստանն այսօր» վերնագրով հոդվածը
։
Ստորև ներկայացնում ենք հոդվածը` որոշ կրճատումներով.
«Հայաստանը նշում է պետականության վերականգնման 95-ամյակը. երկիրն աշխատում է, որպեսզի բարելավվի ներքին հարցերը և տարածաշրջանում անվտանգություն հաստատի: Անկախության համար պայքարն այնքան էլ հեշտ չի եղել:
1918 թ. մայիսի 28-ին, Առաջին աշխարհամարտին և Օսմանյան կայսրությունում Հայոց ցեղասպանությանը, որը խլեց 1,5 միլիոն անմեղ կյանքեր, հետևեց Առաջին Հայաստանի Հանրապետությունը կազմավորվումը՝ որպես անկախ և ինքնիշխան պետություն»:
Մելքոնյանն անդրադարձել է վերջին տարիների ընթացքում տնտեսության, ժողովրդավարության և քաղաքացիական հասարակության զարգացման ոլորտներում Հայաստանի ձեռքբերումներին ու ծրագրերին, ինչպես նաև` առկա խնդիրներին և մարտահրավերներին:
Դեսպանը նաև ներկայացրել է Հայաստանի արտաքին քաղաքականության առաջնահերթությունները, նրա ներգրավվածությունը միջազգային կառույցներին և գործընթացներին, նշանակալից ներդրումը տարածաշրջանային անվտանգության և կայունության ամրապնդման գործին: Նա խոսում է հայ-եգիպտական ավանդական բարեկամության և համագործակցության մասին` կարևորելով եգիպտահայ համայնքի դերակատարությունը երկու երկրների միջև հարաբերությունների սերտացման գործում:
«2015-ին միջազգային հանրությունը նշելու է ցեղասպանության 100-ամյակը: Մեզ համար Հայոց ցեղասպանության ճանաչումը և դատապարտումը ոչ միայն արդարության հարց է կամ էլ մեր նախնինների համար բարոյական պարտքերի հաշվեհարդար, այլ դա նաև անվտանգության հարթության վրա է գտնվում: Առանց Թուրքիայի անկեղծ ապաշխարության, մեր տարածաշրջանում անվտանգությունը միշտ վտանգված է: Մենք կարծում ենք, որ ճիշտ է, հաշտեցումը չի ստիպի մոռանալ անցյալը, սակայն հնարավորություն կընձեռի համագործակցել նախորդ հանցագործությունների հետևանքների վերացման հարցում:
Մեր տարածաշրջանում տևական խաղաղությունը և կայունությունն ավելի շատ կախված է Լեռնային Ղարաբաղի հարցում արդար և խաղաղ լուծումից: Ադրբեջանը ստիպված 1994թ-ին կնքեց հրադադար: Մենք հավատում ենք, որ յուրաքանչյուր լուծում պետք է հիմնված լինի Լեռնային Ղարաբաղի ժողովրդի ինքնորոշման իրավունքի վրա:
Ադրբեջանը պարբերաբար խախտում է հրադադարը և անդադար վանդալիզմի գործողություններ իրականացնում հայկական պատմական և մշակութային ժառանգության նկատմամբ: Նման մոտեցումը վտանգում է բանակցային գործընթացը և փխրուն խաղաղությունը: Սեփական հասարակության մեջ հակահայկական հիստերիան արմատավորելու և իր ռազմական բյուջեն բազմապատկելով փոխարեն, Ադրբեջանի ղեկավարությունը պետք է գիտակցի, որ չկա այլընտրանք խաղաղ կարգավորմանը, և նա պետք է ընդունի կառուցողական դիրքորոշում բանակցային գործընթացի շրջանակներում:
Չնայած առկա խնդիրներին, Հայաստանը վստահ զարգանում է ու ամրապնդում իր դերը տարածաշրջանում»:
Աղբյուր` Panorama.am